(Beschluss Chlaushogg 1997)

 

Als Aktivmitglied im DCG chönne iizträte,

um das muess me nöd lang bäte.

D’Kriterie sind eifach, me muess nume chönne görpse, furze und chli flüge,

für die Uusag git’s da inne gnüegend Züüge !

 

Ersch für‘d Gönnermitglieder het dr Vorstand d’Hürde höcher gsteckt,

da händ si sich alli Schiggane usgheckt.

Me mues sich über Jahre zerscht bewähre,

Delta-Freaks umefahre und immer wieder erkläre,

me welli Mitglied werde und nöd nume am Chlaushogg gratis cho ässe,

d’r Präsi seit O.K, und het d’r Aatrag scho grad wieder vergässe.

 

Mit d’r Ziit wird’s dem Bewerber z’bunt,

und er tuet sis Aalige emene andere Vorstandsmitglied kund.

 

D’s Esti als Kassier isch naheliegend,

und si reagiert dementsprächend souverän und überzügend.

Sie seit O.K. du bisch debii,

gib mer d‘ Chöle, und ziet d’r Bitrag grad ii.

 

Für’s erscht Jahr isch de Gönner grettet gsi,

nur sind jetzt scho wieder zwei Jahr verbii.

Es isch weder e Rächnig cho,

no het mer das Mitglied uf e Lischte gno.

 

Bim DCG mue‘ mer offesichtlich en Spezialdeal drülle,

wämmer ihm wot d’Kasse fülle.

Drum zahlt de Gönner jetzt für’s nächschte Jahr,

d’r Mitgliederbiitrag em Samichlaus grad in bar !!!